Baixo o lema POR UNHA REPÚBLICA GALEGA e no marco dunha estratexia de AUTODETERMINACIÓN PARA GALICIA, a FPG presentará as súas candidaturas ao Congreso e ao Senado de España nas Eleccións Xerais do 14 de marzo.
Aínda considerando a lei electoral -como o propio sistema político español-, contraria aos intereses dos traballadores e das traballadoras, mentres favorece aos partidos da dereita e de ámbito estatal, a FPG decidiu concorrer a estes comicios:
- Para que as persoas partidarias dun SISTEMA REPUBLICANO DE GOBERNO teñan a quen votar.
- Para que as persoas partidarias dunha GALICIA INDEPENDENTE teñan a quen votar.
- Para que as persoas que reclaman unha VERDADEIRA DEMOCRACIA teñan a quen votar.
- Para que as persoas decididamente partidarias dunha SOCIEDADE LAICA teñan a quen votar.
- Para que as persoas que verdadeiramente cren na SOLIDARIEDADE E NUN MUNDO IGUALITARIO teñan a quen votar.
Proximamente daranse a coñecer os nomes das persoas que integran as candidaturas da FPG nas catro circunscripcións galegas.
Dirección Nacional da Frente Popular Galega
Galicia, 06 de febreiro de 2004
